حسد عيشة

من گلب ولسان احسدك ياحمار
لاتعاني ولاتقاسي ولاتغار
انت همك منحصر بس
بالعلف
وخايف اعلة اشعيرك يصيبة التلف
لكن انت مدلل اتعيش بترف

لان
تملك چلمة واصرار وقرار

انت سيد موقفك لو قررت
ورايك تفرضة فرض لو
زاگطت
حرنت يعني كديش وحرنت

مايزيحك لامغول ولاتتار

صلب كل دگ
العصي تتحملة
والحچي الماعاجبك تتجاهلة
ولوضجت من حمل ظهرك شايلة

تشرد
ومايلحگك عار الفرار

مايهمك ياهو ذرية امتلك
وهيروشيما شتعني بالنسبة
الك
ومن حدث زلزال چم واحد هلك

ومايهمك ليش هالبركان ثار

وقانع
انت وبالمظاهر ماتحير
وراضي بجلالك يبو عگل الچبير
لاتزين حفر لاتلبس
حرير

ولاقديم اتگول هالموديل صار

عندك احسن موهبة هذا
الغباء
ماتضوج بيوم تطفي الكهرباء
نافست هالجيل في حقل
الغناء

وبالنهيق اجاوزتهم بقتدار

لو كديشة اتعجبك اتفر
القدر
وماتمر بترجبة حب وسهر
ومعفي ماتتكلف بحنه ومهر

وغير ك خايف
ايفوته القطار

اليوم ماعدنة غدة قط ماگلت
ولارحت لحمار منه
اداينت
ولاگلت بعت الغليچة وفلست

ولاتگول اليوم شنعشي الزغار

تفكر
بحرب النجوم بصفنتك
ولو ما واحد علس من باگتك
ولاوكيل ايبوگ شي من
حصتك

ولايهمك عمر لو طال الحصار
وصدگ صافن لچن موصفنت حزين
ونايم بسد
التبن سدك امين
وابد ما تسأل عله اسعار الطحين
ولايهمك بيش كيلوا الشكر
صار

الشاعر هاشـــــــم الــــــعربي